2023 წლის 11-15 დეკემბერს საქართველოს განათლებისა და მეცნიერების სამინისტროსა და ესტონეთის საერთაშორისო განვითარების ცენტრის (ESTDEV) ერთობლივი პროექტის - „ბავშვებისთვის ხარისხიანი განათლების ხელმისაწვდომობის გაძლიერება საქართველოში (საბაზო საფეხურზე)“ - ფარგლებში, სამინისტროს სკოლამდელი და ზოგადი განათლების განვითარების დეპარტამენტის უფროსის მოადგილის, მარიამ ჩიქობავასა და ამავე დეპარტამენტის ეროვნული სასწავლო გეგმებისა და სასწავლო რესურსების შეფასების სამმართველოს თანამშრომლის, თამთა გრიგოლიას ხელმძღვანელობით, ესტონეთის რესპუბლიკაში, კერძოდ ქალაქ ტალინში, განხორციელდა სასწავლო ვიზიტი, რომელშიც მონაწილეობდა
ჩვენი სკოლის მათემატიკის მასწავლებელი ქალბატონი ხათუნა გერგაია .
შთამბჭდავი და მრავლისმომცველი იყო გამოცდილება რომელიც ქალბატონმა ხათუნამ ესტონთიდან დაბრუნების შემდეგ გაუზიარა სასკოლო საზოგადოებას.
მადლობას ვუხდით საქართველოს განათლებისა და მეცნიერების სამინისტროს წარმომადგენლებს ქალბატონებს - მარიამ ჩიქობავასა და თამთა გრიგოლიას. ვუსურვებთ მათ წარმატებებს.
დიდი მადლობა საქართველოს განათლებისა და მეცნიერების სამინისტროს, აღნიშნულ ვიზიტში ჩვენი სკოლის წარმომადგენლის მონაწილეობის შესაძლებლობისათვის.
